தனுஷ் (28 சூலை 1983) என்பவர் தமிழ்நாட்டுத் திரைப்பட நடிகர், திரைப்படத் தயாரிப்பாளர், பின்னணிப் பாடகர், திரைப்பட பாடலாசிரியர், திரைக்கதை ஆசிரியர் மற்றும் திரைப்பட இயக்குனர் ஆவார். இவர் 2002 ஆம் ஆண்டு முதல் திருடா திருடி (2003), சுள்ளான் (2004), புதுப்பேட்டை (2006), பொல்லாதவன் (2007), ஆடுகளம் (2011), 3 (2012), வேலையில்லா பட்டதாரி (2014), மாரி (2015), அசுரன் (2019) போன்ற பல தமிழ் மொழி திரைப்படங்களிலும் மற்றும் ராஞ்சனா (2013) போன்ற இந்தி திரைப்படங்களிலும் நடித்ததன் மூலம் தமிழ்த் திரையுலகின் முன்னணி நடிகர்களில் ஒருவராவார்.
இவர் 40 மேலான திரைப்படங்களில் நடித்ததன் மூலம் 13 தென்னிந்திய சர்வதேசத் திரைப்பட விருதுகள், 9 விஜய் விருதுகள், 7 தென்னிந்திய பிலிம்பேர் விருதுகள், 5 விகடன் விருதுகள், 5 எடிசன் விருதுகள், 3 தேசிய திரைப்பட விருதுகள் மற்றும் பிலிம்பேர் விருதுகள் போன்றவை வென்றுள்ளார். இந்திய பிரபலங்களின் வருவாயை அடிப்படையாகக் கொண்ட ஃபோர்ப்ஸ் இந்தியா பிரபலங்கள் 100 பட்டியலில் தனுஷ் ஆறு முறை சேர்க்கப்பட்டுள்ளார் என்பது குறிப்பிடத்தக்கது.
தனுஷ் தனது வுண்டர்பார் பிலிம்ஸ் மூலமாக படம் தயாரிக்கிறார். இவருக்கு சிறந்த நடிகர் விருது மட்டுமல்லாமல் இவருடைய தயாரிப்பில் வெளிவந்த விசாரனை படத்திற்கு தேசிய விருதும் வழங்கப்பட்டது.
ஆரம்பகால வாழ்க்கை
தனுஷ், தமிழ்த் திரைப்பட இயக்குனர் கஸ்தூரி ராஜாவின் இரண்டாவது மகனும், இயக்குநர் செல்வராகவனின் இளைய சகோதரரும் ஆவார். இவர் 2004ஆம் ஆண்டில், நடிகர் ரஜனிகாந்தின் மகள் ஐஸ்வர்யாவைத் திருமணம் செய்துகொண்டார். அவர்களுக்கு யாத்ரா மற்றும் லிங்கம் என்ற இரு மகன்கள் இருக்கிறார்கள்.
திரைப்பட வாழ்க்கை
2002 ஆம் ஆண்டு செல்வராகவனின் இயக்கத்தில் வெளியான துள்ளுவதோ இளமை என்ற திரைப்படத்தின் மூலம் நடிப்பு துறைக்கு அறிமுகமானார். பாரிய வெற்றி பெற்ற இத்திரைப்படத்தைத் தொடர்ந்து தனுஷ் செல்வராகவனின் இயக்கத்தில் நடித்த காதல் கொண்டேன் திரைப்படமும் ஒரு வெற்றிப்படமாக அமைந்தது. இத்திரைப்படத்தின் மூலமாக, தனுஷ் ஒரு சிறந்த நடிகர் என்ற பாராட்டையும் பெற்றுக் கொண்டார். இதன் பிறகு வெளியான திருடா திருடி (2003) மற்றும் தேவதையைக் கண்டேன் (2005) போன்ற திரைப்படங்களின் மூலமாக தனது திரையுலக செல்வாக்கை நிலைநிறுத்திக் கொண்டார். அதை தொடர்ந்து சுள்ளான் (2004), புதுப்பேட்டை (2006), திருவிளையாடல் ஆரம்பம் (2006), பொல்லாதவன் (2007) போன்ற பல திரைப்படங்களில் நடித்தார்.
சிறந்த நடிகர்
2011 ஆம் ஆண்டு இயக்குனர் வெற்றிமாறன் இயக்கிய ஆடுகளம் என்ற திரைப்படத்தில் சிறப்பாக நடித்ததற்காக 2011ல் சிறந்த நடிகருக்கான இந்திய தேசிய திரைப்பட விருது பெற்றார். அதை தொடர்ந்து அதே ஆண்டில் மயக்கம் என்ன என்ற திரைப்படமும் 2012 ஆம் ஆண்டு 3 என்ற திரைப்படத்திலும் நடித்துள்ளார். 3 என்ற திரைப்படத்தில் இவருக்கு ஜோடியாக நடிகை சுருதி ஹாசன் என்பவர் நடித்துள்ளார். இந்த திரைப்படத்திற்காக 2011 ஆம் ஆண்டு இறுதியில் இவர் பாடிய வொய் திஸ் கொலவெறி டி என்ற பாடல் யூடியூப் இணையதளத்தில் வெளியாகி சில மணி நேரங்களிலேயே அதிகம் பேரால் பார்வையிடப்பட்டதால் ஓரிரு நாட்களில் தேசிய அளவில் பேசப்பட்டார்.
இந்தித் திரைப்படம்
2013 ஆம் ஆண்டு ராஞ்சனா என்ற இந்தி மொழி திரைப்படம் மூலம் பாலிவுட் திரைப்படத்துறையில் அறிமுகமானார். இந்த திரைப்படத்தை ஆனந்த் எல். ராய் என்பவர் இயக்க ஏ. ஆர். ரகுமான் இசை அமைத்துள்ளார். இவருக்கு ஜோடியாக சோனம் கபூர் நடித்துள்ளார். என்ற பெயரில் தமிழில் வெளியானது. இவரது 25 வது திரைப்படமாக வேலையில்லா பட்டதாரி என்ற திரைப்படம் 2014 ஆம் ஆண்டு வெளியாக நல்லவரவேட்ப்பை பெற்று வசூல் ரீதியாக வெற்றி பெற்றது. இந்த திரைப்படத்தை வேல்ராஜ் என்பவர் இயக்கியுள்ளார். அதை தொடர்ந்து ஷமிதாப் என்ற இந்தி திரைப்படத்திலும் கே. வி. ஆனந்த் இயக்கிய அனேகன் என்ற திரைப்படத்திலும் நடித்துள்ளார்.
2015 ஆம் ஆண்டு இவர் நடித்த மாரி, தங்க மகன் போன்ற திரைப்படங்கள் மிகப்பெரிய வெற்றியை கொடுத்தது. 2016 ஆம் ஆண்டு கொடி என்ற பரபரப்பூட்டும் அரசியல் திரைப்படத்தில் நடித்தார். அதை தொடர்ந்து வேலையில்லா பட்டதாரி 2 (2017), வட சென்னை (2018), மாரி 2 (2018) போன்ற திரைப்படங்களில் நடித்தார். 2019 ஆம் ஆண்டு வெளியான அசுரன் என்ற திரைப்படம் வெளியான ஒரு மாதத்திற்குள் 100 கோடி ரூபாய் வசூலித்ததற்காக 100 கோடி கிளப்பில் நுழைந்தது.
இசை
இவர் முதல் முதலில் புதுக்கோட்டையிலிருந்து சரவணன் என்ற திரைப்படத்தில் பின்னணி பாடகராக அறிமுகமானார். இந்த திரைப்படத்திற்கு யுவன் சங்கர் ராஜா இசையமைத்துள்ளார். அதை தொடர்ந்து புதுப்பேட்டை என்ற திரைப்படத்திலும் பாடல் பாடியுள்ளார். இவர் பாடிய வொய் திஸ் கொலவெறி டி என்ற பாடல் யூடியூப் இணையதளத்தில் வெளியாகி சில மணி நேரங்களிலேயே அதிகம் பேரால் பார்வையிடப்பட்டது.
பாடல்கள்
| ஆண்டு | தலைப்பு | திரைப்படம் |
| 2004 | நாட்டு சரக்கு | புதுக்கோட்டையிலிருந்து சரவணன் |
| 2005 | துண்டை காணோம் | தேவதையைக் கண்டேன் |
| 2006 | எங்க ஏரியா | புதுப்பேட்டை |
| 2010 | உன் மேல | ஆயிரத்தில் ஒருவன் |
| 2011 | ஓட ஓட | |
| காதல் என் காதல் | மயக்கம் என்ன | |
| 2011 | வொய் திஸ் கொலவெறி டி | |
| கண்ணழகா | 3 | |
| 2013 | டெட்டி பீர் | நய்யாண்டி |
| 2014 | அம்மா அம்மா | |
| போ இன்று நீயாக | ||
| வார்ட் எ கறவாட் | வேலையில்லா பட்டதாரி | |
| 2015 | டங்காமாரி | அனேகன் |
| 2015 | நோ ப்ரோப்ளம் | வஜ்ரகாய |
| 2015 | நெஞ்சமெல்லாம் | எதிர்நீச்சல் |
| 2015 | பழங்கால | இரண்டாம் உலகம் |
| 2015 | ஓ ஓ | |
| ஜோடி நிலவு | தங்க மகன் | |
| 2015 | மாரி தாரா லோக்கல் | |
| டோனு டோனு டோனு | ||
| பகுலு ஒடயும் டகுலு மாரி | மாரி | |
| 2016 | மாலை வரும் வண்ணில்லா | நெஞ்சம் மறப்பதில்லை |
| 2016 | கொடி | கொடி |
| 2016 | திக்கா | திக்கா |
| 2017 | சொல்லி தொலையேன் மா | யாக்கை |
| 2017 | சூரகத்து | |
| வென்பனிமலரே | ப. பாண்டி | |
| 2017 | புதுவாய் | யாதுமாகி நின்றன் |
| (இசை காணொளி) | அஸ்வின் விநாயகமூர்த்தி | |
| 2017 | ரகுவரனின் வாழ்க்கை | |
| ரகுவரனின் சித்திரவதை | வேலையில்லா பட்டதாரி 2 | |
| 2018 | கோயிந்தம்மாவல | வட சென்னை |
| 2018 | இங்கிலீஷ் லவ்ஸ் | பக்கரி |
| 2018 | லோக்கல் சரக்கா | படை வீரன் |
| 2018 | ஏழவா | எழுமின் |
| 2018 | மாரி கெத்து | |
| ரவுடி பேபி | மாரி 2 | |
| 2019 | நெஞ்சோடு விநாய | பிரதர்’ஸ் டே |
| 2019 | பொல்லாத பூமி | |
| கண்ணழகு ரத்தினமே | அசுரன் | |
| 2020 | சில் ப்ரோ | பட்டாஸ் |
| 2020 | கதோடு காதானென் | ஜெயில் |
திரைப்படங்கள்
| ஆண்டு | திரைப்படம் |
| 2002 | துள்ளுவதோ இளமை |
| 2003 | காதல் கொண்டேன் |
| திருடா திருடி | |
| 2004 | புதுக்கோட்டையிலிருந்து சரவணன் |
| சுள்ளான் | |
| ட்ரீம்ஸ் | |
| 2005 | தேவதையைக் கண்டேன் |
| அது ஒரு கனாக்காலம் | |
| 2006 | புதுப்பேட்டை |
| திருவிளையாடல் ஆரம்பம் | |
| 2007 | பரட்டை என்கிற அழகுசுந்தரம் |
| பொல்லாதவன் | |
| 2008 | யாரடி நீ மோகினி |
| குசேலன் | |
| 2009 | படிக்காதவன் |
| 2010 | குட்டி |
| உத்தம புத்திரன் | |
| 2011 | ஆடுகளம் |
| சீடன் | |
| மாப்பிள்ளை | |
| வேங்கை | |
| மயக்கம் என்ன | |
| 2012 | 3 |
| 2013 | ப்ரோபிரியேட்டர்ஸ்: கம்மத் & கம்மத் |
| எதிர்நீச்சல் | |
| ராஞ்சனா | |
| மரியான் | |
| நய்யாண்டி | |
| 2014 | வேலையில்லா பட்டதாரி |
| 2015 | ஷமிதாப் |
| அனேகன் | |
| வை ராஜா வை | |
| மாரி | |
| தங்க மகன் | |
| 2016 | தொடரி |
| கொடி | |
| 2017 | ப. பாண்டி |
| வேலையில்லா பட்டதாரி 2 | |
| 2018 | பக்கீரின் |
| வட சென்னை | |
| மாரி 2 | |
| 2019 | அசுரன் |
| எனை நோக்கி பாயும் தோட்டா | |
| 2020 | பட்டாஸ் |
| ஜகமே தந்திரம் | |
| கர்ணன் | |
| 2021 | அட்ரங்கி ரீ |
தயாரிப்பாளராக
| வருடம் | திரைப்படம் |
| 2012 | 3 |
| 2013 | எதிர்நீச்சல் |
| 2014 | வேலையில்லா பட்டதாரி |
| 2015 | ஷமிதாப் |
| காக்கி சட்டை | |
| காக்கா முட்டை | |
| மாரி | |
| நானும் ரவுடி தான் | |
| தங்க மகன் | |
| 2016 | காக்கி சட்டை |
| 2014 | வேலையில்லா பட்டதாரி |
| 2016 | விசாரனை |
| அம்மா கணக்கு | |
| 2017 | சினிமா வீரன் |
| ப. பாண்டி | |
| வேலையில்லா பட்டதாரி 2 | |
| விஐபி 2 | |
| தரங்கம் | |
| காலா | |
| 2018 | வட சென்னை |
| மாரி 2 |
