விவேக் (Vivek, 19 நவம்பர் 1961 – 17 ஏப்ரல் 2021) தமிழ்த் திரைப்பட நகைச்சுவை நடிகர் ஆவார். இவரது நகைச்சுவை லஞ்சம், மக்கள்தொகைப் பெருக்கம், அரசியல் ஊழல்கள், மூட நம்பிக்கைப் போன்றவற்றை இடித்துரைப்பதால் இவரை சிலர் சின்னக் கலைவாணர் என்றும் சனங்களின் கலைஞன் என்றும் அடைமொழியிட்டு அழைக்கின்றனர்.
பிறப்பு
இவர் 1961 நவம்பர் 19ஆம் நாளில் அங்கய்யா பாண்டியன், மணியம்மாள் ஆகியோருக்கு மூன்றாவது கடைசிப் பிள்ளையாகத் தூத்துக்குடி மாவட்டம், கோவில்பட்டியில் பிறந்தார். விஜயலட்சுமி, சாந்தி ஆகியோர் இவருக்கு மூத்தவர்கள்.
வீட்டில் செல்லமாக அழைக்கும் பெயர் ராஜு. இவரது சொந்த ஊர் கோயில்பட்டி – இலுப்பை ஊரணி. இவரது தந்தை இராமநாதபுரம் மாவட்டம் மண்டபத்தில் ஆசிரியராக பணியாற்றியவர்.
ஊட்டி கான்வென்ட்டில், பள்ளிப் படிப்பையும், பின்னர் மதுரை அமெரிக்கன் கல்லூரியில் பி.காம் பட்டமும் பெற்றார். சிறு வயதிலேயே முறைப்படி பரத நாட்டியம் பயின்றார். தமக்கையுடன் சேர்ந்து பல மேடைகளில் நாட்டியம் ஆடியுள்ளார். ஆர்மோனியம், வயலின், தபேலா போன்ற இசைக்கருவிகளையும் இசைக்க வல்லவர்.
மதுரை அஞ்சல் தந்தி அலுவலகத்தில் பணியாற்றிய போது, மதுரையில் நடைபெற்ற பரத நாட்டியப் போட்டி ஒன்றில் பங்குபற்றினார். சென்னையில் நடந்த இறுதிப் போட்டியில் கலாகேந்திரா கோவிந்தராஜன் மூலம் கே. பாலச்சந்தரின் அறிமுகம் கிடைத்தது.
இவரது நடனத்தையும், மிமிக்ரியையும் பார்த்த பாலச்சந்தர் தனது மனதில் உறுதி வேண்டும் (1987) படத்தில் நடிக்கச் சந்தர்ப்பம் கொடுத்தார். அதன் பின்னர், சென்னைத் தலைமைச் செயலகத்தில் பணி கிடைக்க, கோடம்பாக்கத்தில்குடும்பத்துடன் குடியேறினார்.
அருட்செல்வி என்பவரைத் திருமணம் முடித்து அமிர்தா நந்தினி, தேஜசுவினி, பிரசன்னா குமார் (இறப்பு: 2015 அக்டோபர் 29) என மூன்று பிள்ளைகள் பிறந்தனர்.
1990களின் தொடக்கத்தில் துணைநடிகராகத் தமிழ்த் திரையுலகில் நடிக்கத் தொடங்கிய இவர் பின்னர் புகழ்பெற்ற நகைச்சுவை நடிகரானார். பெரும்பாலான திரைப்படங்களில் கதை நாயகனின் நண்பனாக வேடம் ஏற்று நடித்துள்ளார்.
சிந்திக்க வைக்கும் கருத்துக்களை பரப்புவதற்காக இவர் பாராட்டப்பட்டாலும், இவர் பேசும் இரட்டை பொருள் பொதிந்த வசனங்களுக்காக விமர்சிக்கப்படுவதும் உண்டு. புதுப்புது அர்த்தங்கள், மின்னலே, பெண்ணின் மனதை தொட்டு, ரன், நம்மவீட்டுக் கல்யாணம், தூள் முதலிய படங்கள் இவரது நகைச்சுவை நடிப்பில் வெளிவந்த குறிப்பிடத்தக்க திரைப்படங்களாகும்.
புதுப்புது அர்த்தங்கள் படத்தில் இவர் பேசிய ‘இன்னைக்கு செத்தா நாளைக்கு பால்’ என்ற வசனம் இவரை பிரபலபடுத்தியது.
இந்திய அரசு வழங்கும் 2009ம் ஆண்டுக்கான பத்ம ஸ்ரீ விருதை இவர் பெற்றார்.
விருதுகள்
விஜய் விருதுகள்
- அனைத்து நேர விருப்பமான நகைச்சுவை நடிகர் விருது.
பிலிம்பேர் விருதுகள்
- சிறந்த நகைச்சுவை நடிகருக்கான பிலிம்பேர் விருதுகள் – தமிழ் – ரன் (2002)
- சிறந்த நகைச்சுவை நடிகருக்கான பிலிம்பேர் விருதுகள் – தமிழ் – சாமி (2003)
- சிறந்த நகைச்சுவை நடிகருக்கான பிலிம்பேர் விருது – தமிழ் – பேரழகன் (2004)
- சிறந்த நகைச்சுவை நடிகருக்கான பிலிம்பேர் விருது – தமிழ் – சிவாஜி (2007)
தமிழக அரசு விருதுகள்
- சிறந்த நகைச்சுவை நடிகர் விருது– உன்னருகே நான்னிருந்தால்
- சிறந்த நகைச்சுவை நடிகருக்கான விருது – ரன் (2002)
- சிறந்த நகைச்சுவை நடிகருக்கான விருது – பார்த்திபன் கனவு (2003)
- சிறந்த நகைச்சுவை நடிகருக்கான விருது – சிவாஜி (2007)
மற்ற விருதுகள்
- சிறந்த நகைச்சுவை நடிகர் – தேசிய தமிழ் திரைப்பட விருதுகள்
- சிறந்த நகைச்சுவை நடிகர் – பலவகை திரைப்பட விருதுகள்
- சிறப்பு சான்றாயர் விருது – ஏசியாநெட் திரைப்பட விருதுகள்
- சிறந்த ஆண் நகைச்சுவை விருது – எடிசன் விருதுகள்
- சிறப்பு நகைச்சுவை விருது – கொடைக்கானல்
பண்பலை வானொலி விருதுகள் - சிறந்த நகைச்சுவை நடிகர் விருது – ஜ.டி.எஃப்.ஏ (ITFA)
நன்மதிப்பு
- பத்மசிறீ விருது – இந்திய அரசு விருது விழா
நடித்த திரைப்படங்கள்
| 1987 | மனதில் உறுதி வேண்டும் |
|---|---|
| 1989 | புதுப்புது அர்த்தங்கள் |
| 1990 | ஒரு வீடு இரு வாசல் |
|---|---|
| புது மாப்பிள்ளை | |
| கேளடி கண்மணி | |
| 1991 | இதயவாசல் |
| புத்தம் புது பயணம் | |
| ஜென்ம நட்சத்திரம் | |
| எம் ஜி ஆர் நகரில் | |
| அன்பு சங்கிலி | |
| 1992 | வெற்றிமுகம் |
| உரிமை ஊஞ்சலாடுகிறது | |
| தம்பி பொண்டாட்டி | |
| 1993 | உழைப்பாளி |
| பாஸ் மார்க் | |
| பட்டுக்கோட்டை பெரியப்பா | |
| 1994 | வீரா (1994) |
| புதிய மன்னர்கள் | |
| வாச்மென் வடிவேல் | |
| வனஜா கிரிஜா | |
| வா மகளே வா | |
| வாங்க பாட்னார் வாங்க | |
| நம்ம அண்ணாச்சி | |
| பொங்கலோ பொங்கல் | |
| 1995 | நந்தவனத் தெரு |
| மாயாபஜார் 1995 | |
| தாயகம் | |
| தொட்டில் குழந்தை | |
| முத்துக் குளிக்க வாரீயளா | |
| இளைய ராகம் | |
| 1996 | காலமெல்லாம் காதல் வாழ்க |
| மைனர் மாப்பிள்ளை | |
| அவதாரப் புருசன் | |
| எனக்வொரு மகன் பிறப்பான் | |
| சுபாஷ் | |
| 1997 | நேருக்கு நேர் |
| தினமும் என்னைக் கவனி | |
| பகைவன் | |
| சிஷ்யா | |
| பெரிய இடத்து மாப்பிள்ளை | |
| 1998 | காதல் மன்னன் |
| மறுமலர்ச்சி | |
| காதலே நிம்மதி | |
| உன்னுடன் | |
| சொல்லாமல் | |
| கண்ணெதிரே தோன்றினாள் | |
| அரிச்சந்திரா | |
| நாம் இருவர் நமக்கு இருவர் | |
| 1999 | நினைவிருக்கும் வரை |
| பூமகள் ஊர்வலம் | |
| வாலி | |
| ஒருவன் | |
| விரலுக்கேத்த வீக்கம் | |
| உனக்காக எல்லாம் உனக்காக | |
| முகம் | |
| அதான்டா இதான்டா | |
| திருப்பதி ஏழுமலை வெங்கடேசா | |
| உன்னருகே நானிருந்தால் | |
| ஆசையில் ஒரு கடிதம் |
| 2000 | திருநெல்வேலி |
|---|---|
| ஏழையின் சிரிப்பில் | |
| சுதந்திரம் | |
| தை பொறந்தாச்சு | |
| முகவரி | |
| அலைபாயுதே | |
| சந்தித்த வேளை | |
| கந்தா கடம்பா கதிர்வேலா | |
| குஷி | |
| கரிசக்காட்டு பூவே | |
| பெண்ணின் மனதை தொட்டு | |
| டபுள்ஸ் | |
| உன்னைக் கண் தேடுதே | |
| பட்ஜெட் பத்மநாபன் | |
| கண்டேன் சீதையை | |
| பாளையத்து அம்மன் | |
| ப்ரியமானவளே | |
| சீனு | |
| 2001 | லூட்டி |
| நாகேஸ்வரி | |
| மின்னலே | |
| எங்களுக்கும் காலம் வரும் | |
| குட்டி | |
| உள்ளம் கொள்ளை போகுதே | |
| டும் டும் டும் | |
| சூப்பர் குடும்பம் | |
| பத்ரி | |
| மிடில் கிளாஸ் மாதவன் | |
| லவ்லி | |
| தில் | |
| கண்ணா உன்னைத் தேடுகிறேன் | |
| விஸ்வநாதன் ராமமூர்த்தி | |
| கூடி வாழ்ந்தால் கோடி நன்மை | |
| பூவெல்லாம் உன் வாசம் | |
| அள்ளித் தந்த வானம் | |
| 12 பி | |
| ஷாஜகான் | |
| மனதைத் திருடி விட்டாய் | |
| பார்த்தாலே பரவசம் | |
| மஜ்னு | |
| வடுகப்பட்டி மாப்பிள்ளை | |
| 2002 | விவரமான ஆளு |
| அழகி | |
| ரோஜாக்கூட்டம் | |
| தமிழன் | |
| கோட்டை மாரியம்மன் | |
| தென்காசிப்பட்டணம் | |
| ஷக்கலக்க பேபி | |
| ஏய் நீ ரொம்ப அழகாய் இருக்கே | |
| யூத் | |
| ரன் | |
| நம்ம வீட்டு கல்யாணம் | |
| யுனிவர்சிட்டி | |
| காதல் வைரஸ் | |
| 2003 | காதல் சடுகுடு |
| பாப் கார்ன் | |
| சாமி | |
| அன்பே அன்பே | |
| பார்த்திபன் கனவு | |
| லேசா லேசா | |
| விசில் | |
| ஐஸ் | |
| காதல் கிசு கிசு | |
| தித்திக்குதே | |
| த்ரீ ரோஸஸ் | |
| தென்னவன் | |
| தூள் | |
| பாய்ஸ் | |
| அலை | |
| திருமலை | |
| எனக்கு 20 உனக்கு 18 | |
| ஜூட் | |
| 2004 | உதயா |
| எதிரி | |
| பேரழகன் | |
| செல்லமே | |
| அரசாட்சி | |
| எம். குமரன் தா/பெ மகாலஷ்மி | |
| 2005 | தக திமி தா |
| கனா கண்டேன் | |
| அந்நியன் | |
| அன்பே வா | |
| வணக்கம் தலைவா | |
| 2006 | சரவணா |
| ஆதி | |
| பரமசிவன் | |
| மதராசி | |
| கள்வனின் காதலி | |
| திருட்டு பயலே | |
| மது | |
| நீ வேணும்டா செல்லம் | |
| ஜாம்பவான் | |
| 2007 | ஆழ்வார் |
| அகரம் | |
| சிவாஜி | |
| துள்ளல் | |
| வீராப்பு | |
| கிரீடம் | |
| உற்சாகம் | |
| பசுபதி மே/பா ராசக்காபாளையம் | |
| 2008 | தூண்டில் |
| சண்டை | |
| சிங்கக்குட்டி | |
| குருவி | |
| ஆயுதம் செய்வோம் | |
| ஜெயம் கொண்டான் | |
| துரை | |
| பொம்மலாட்டம் | |
| 2009 | படிக்காதவன் |
| பெருமாள் | |
| 1977 | |
| குரு என் ஆளு | |
| இந்திர விழா | |
| ஐந்தாம் படை | |
| அந்தோனி யார்? |
| 2010 | தம்பிக்கு இந்த ஊரு |
|---|---|
| சிவப்பு மழை | |
| மகனே என் மருமகனே | |
| சிங்கம் | |
| பெண் சிங்கம் | |
| பலே பாண்டியா | |
| வாடா | |
| உத்தம புத்திரன் | |
| 2011 | சீடன் |
| பவானி ஜபிஎஸ் | |
| மாப்பிள்ளை | |
| ஒரு நுனாக்காத | |
| வெடி | |
| 2014 | வேலையில்லா பட்டதாரி |
| 2015 | என்னை அறிந்தால் |
தயாரிப்பில்
| 1 | கந்தா |
|---|---|
| 2 | நான்காம் முறை |
| 3 | கடமை கன்னியம் கட்டுப்பாடு |
| 4 | நல்வரவு |
| 5 | சித்திரம் |
| 6 | வழிப்போக்கன் |
| 7 | இத்தனை நாளாய் எங்கிருந்தாய் |
| 8 | இளமை இதோ இதோ |
| 9 | சொல்லி அடிப்பேன் |
மறைவு
இவர் 16 ஏப்ரல் 2021 அன்று மாரடைப்பு காரணமாக சென்னை வடபழனியில் உள்ள ஒரு தனியார் மருத்துவமனையில் அனுமதிக்கப்பட்டார், ஆனால் சிகிச்சை பலனின்றி 17 ஏப்ரல் 2021 அதிகாலை 4.30 மணிக்கு காலமானார்
