நடிகை எஸ். என். பார்வதி | Actress S. N. Parvathy

எஸ். என். பார்வதி (S. N. Parvathy) என்பவர் ஒரு இந்திய திரைப்பட நடிகை மற்றும் தொலைக்காட்சி நடிகை ஆவார். இவர் தமிழ் திரைப்படங்கள் மற்றும் தொலைக்காட்சித் தொடர்களில் துணை வேடங்களில் நடித்துள்ளார். இவர் பெரும்பாலான படங்களில் தாய் வேடங்களில் நடித்துள்ளார். பிரபல திரைப்படங்களான அனுபவி ராஜா அனுபவி, பசி, பலைவானச்சோலை, ஆகாய கங்கை, எங்க ஊரு பாட்டுக்காரன், அண்ணாநகர் முதல் தெரு, சின்ன மாப்ளே போன்ற படங்களில் பணியாற்றியுள்ளார். இவரது முதல் படம் 1965 ஆம் ஆண்டில் வெளியான பணம் தரும் பரிசு ஆகும். இவர் 200 க்கும் மேற்பட்ட படங்களிலும் 5000 நாடகங்களிலும் நடித்துள்ளார். இவர் 1985 இல் கலைமாமணி விருது பெற்றார்.

ஆரம்ப கால வாழ்க்கை

பார்வதியின் சொந்த ஊர் பரமக்குடி, என்றாலும் இவர் பர்மாவில் பிறந்தார். பார்வதியின் தந்தை நாகசுந்தரம், தாய் வள்ளியம்மாள். இவர் 1958 இல் நாடகங்களில் நடிக்க வந்தார். இவர் நடித்த முதல் நாடகம் தீர்பு என்பதாகும். பி. ஏ. கிருஷ்ணன் இவரது நாடக குரு ஆவார். அவர்தான் இவரை நடிகையாக்கியது. அதன் பிறகு, நாடக உலக தந்தை டி. கே. சண்முகம் அண்ணாச்சியுடன் 5000 க்கும் மேற்பட்ட நாடகங்களில் நடித்துள்ளார்.[சான்று தேவை]

திரைப்பட வாழ்க்கை

இவர் ஒரே நாளில் ஏழு நாடகங்களில் நடித்துள்ளார். இவர் தனது 13 வயதில் நாடகங்களில் நடிக்கத் தொடங்கினார். ஏ. வி. எம். ராஜன் குழுவிலிருந்து காத்தாடி ராமமூர்த்தியின் குழு வரை பல நாடகங்களில் நடித்துள்ளார். இவர் முதலில் பணம் தரும் பரிசு படத்தில் தாயாக நடித்தார். அந்த நேரத்தில், இவருக்கு 17 வயதுதான். இவர் பசி படத்தில் நடிக்கும் வரை இவரது வாழ்க்கை கஷ்டத்திலேயே இருந்தது. அப்போதிருந்து, இவர் ஒரு சிறந்த துணை நடிகையாக மாறிவிட்டார்.

தனிப்பட்ட வாழ்க்கை

இவர் நாடகத்தில் நடித்துக்கொண்டு இருந்தபோது 1961 இல் திருமணம் செய்து கொண்டார். இவரது கணவர் சாரங்கன் என்பவராவார். இவருக்கு ஒரு மகனும் ஒரு மகளும் உள்ளனர். இவரது மகன் ஒரு பொறியாளர், மகள் இயங்கியல் மருத்துவர்.[சான்று தேவை]

விருதுகள்

இவர் தமிழக அரசின் கலைமாமணி மற்றும் கலைசெல்வம் விருதுகளைப் பெற்றவர்.

தொலைக்காட்சி

நடித்த திரைப்படங்கள்

வெளி இணைப்புகள்

நடிகை எஸ். என். பார்வதி – விக்கிப்பீடியா

Actress S. N. Parvathy – Wikipedia