பபிதா (Babita) முன்னாள் நடிகையான இவர் பபிதா ஹரி சிவ்தாசானி என்ற பெயரில் பிறந்தவர், அவரது திருமணப் பெயர் “பபிதா கபூர்”, சிந்தி இனத்தை சார்ந்தவர் ஆவார், மற்றும் பிரிட்டீஷ் வம்சாவளியைச் சேர்ந்தவர், இந்தி மொழி திரைப்படங்களில் தோன்றியுள்ளார். நடிகர் ஹரி சிவ்தாசினியின் மகள், அவரது சமகால நடிகை சாதனா சிவ்தாசனியின் முதல் உறவினர் ஆவார் அவரது முதல் வெற்றிகரமான படம் படமான “தஸ் லாக்” (1966), ஆனால் அது “ராஸ்” (1967), ராஜேஷ் கன்னா க்கு எதிரான காதல் திரைப்படம், அது அவருக்கு அங்கீகாரம் பெற்றுத் தந்தது.
1966 ஆம் ஆண்டு முதல் 1973 வரை, அவர், “தஸ் லாக்” (1966), “ஃபர்ஸ்” (1967), “ஹசீனா மான் ஜாயேகி” , “கிஸ்மத்” (1968), “ஏக் ஸ்ரீமான் ஏக் ஸ்ரீமதி” (1969), “டோலி” (1969), “கல் ஆஜ் அவுர் கல்” (1971) மற்றும் “பன்பூல்” (1971) போன்ற பல படங்களில் முன்னணி கதாநாயகியாக பதினைந்து திரைப்படங்களில் நடித்தார். 1971இல் நடிகர் ரண்தீர் கபூருடனான தனது திருமணத்தைத் தொடர்ந்து 1972இல் வெளி வந்த ” ஜீத்” மற்றும் “ஏக் ஹசினா தோ தீவானா” ஆகிய இரண்டுத் திரைப்ப்படங்களில் தோன்றியுள்ளார். அதைத் தொடர்ந்து வெளியான “சோனே கே ஹத்” (1973) தோல்வி அடைந்ததும்,அவர் திரைப்பட வாழ்க்கையை விட்டு வெளியேற முடிவு செய்தார். இந்த தம்பதியருக்கு திரைப்பட நடிகைகளான கரிஷ்மா மற்றும் கரீனா என்ற இரண்டு மகள்கள் உள்ளனர்.
பின்னணி
பபிதா பாக்கித்தானில் இருந்து பகிர்வுக்கு பிறகு இந்தியாவுக்கு வந்த இந்து மதத்தைச் சார்ந்த நடிகர் ஹரி சிவதாசனிக்கும்,பிரித்தானிய கிறிஸ்தவ தாயான, பார்பரா சிவ்தசானிக்கும் மகளாக மும்பையில் பிறந்தார். அவரது சகோதரி மீனா அத்வானி, “பவர்மாஸ்டர் இன்ஜினியர்ஸ் பிரைவேட் லிமிடெட் மற்றும் பவர் மாஸ்டர் டூல்ஸ் பிரைவேட் லிமிடெட் என்ற நிறுவனத்தின் உரிமையாளர் ஆவார். சமகாலத்திய நடிகையான சாதான சிவ்தாசினி அவரது முதல் உறவினர் ஆவார்.
சொந்த வாழ்க்கை
1971 ஆம் ஆண்டு நவம்பர் 6 ஆம் தேதி ரண்தீர் கபூரை மணந்தார். இந்த தம்பதியருக்கு திரைப்பட நடிகைகளான கரிஷ்மா மற்றும் கரீனா என்ற இரண்டு மகள்கள் உள்ளனர். அவர் மற்றும் ரண்தீர் பல ஆண்டுகளாக தனித்தனி வீடுகளில் தங்கியிருந்தார்கள், அவர்கள் சட்டப்பூர்வமாக திருமணம் செய்துகொண்ட போதிலும், விவாகரத்து செய்ய விரும்பவில்லை. பல ஆண்டுகளாக தனியாக வாழ்ந்த பிறகு 2007 இல் இந்த ஜோடி ஐக்கியப்பட்டது.
