நடிகை காயத்தரி ஜோஷி | Actress Gayatri Joshi

காயத்ரி ஜோஷி இந்திய வடிவழகியும் முன்னாள் பாலிவுட் நடிகையும் ஆவார். 2004 ஆம் ஆண்டு வெளியான சுவாதேஸ் இவர் நடித்த ஒரே திரைப்படமாகும்.


பணி


1999 ஆம் ஆண்டு நடைபெற்ற ஃபெமினா மிஸ் இந்தியா அழகி போட்டியில் இறுதி ஐந்து போட்டியாளர்களில் ஒருவரான இவர், சோனி எண்டர்டெயின்மெண்ட் அலைவரிசையின் பார்வையாளர்கள் வாக்களிப்பதன் மூலம் முடிசூட்டப்பட்டார். மேலும் ஜப்பானில் 2000 ஆம் ஆண்டு மிஸ் சர்வதேச அழகிப் போட்டியில் இந்தியாவை பிரதிநிதித்துவப்படுத்தத் தேர்ந்தெடுக்கப்பட்டார். பல இசைக் காணொளிகளில் தோற்றமளிக்கும் வகையில் விளம்பர மாதிரியாக பணிபுரிந்தார். ஜக்ஜித் சிங்கின் காகஸ் கி காஷிதி மற்றும் ஜஞ்சர்ஜியாவின் ஹான்ஸ் ராஜ் ஹான்ஸ் இசைக் காணொளிகளில் அவர் நடித்தார்.


அவர் இன்னும் கல்லூரியில் இருந்தபோது, ​​பாம்பே டையிங், பிலிப்ஸ், பாண்ட்ஸ், கோட்ரெஜ், சன்சில் மற்றும் எல்ஜி ஆகியவற்றின் விளம்பரங்களிலும், ஷாருக்கான் உடன் ஹுண்டாய் விளம்பரத்திலும் நடித்தார். 2001 ஆம் ஆண்டில் நாட்காட்டியிலும் இவரது படங்கள் வெளியாகின. 2004 ஆம் ஆண்டு டிசம்பர் மாதம் அசுதோஸ் கோவார்கரின் சுவாதேஸ் திரைப்படத்தில் பாலிவுட்டில் அறிமுகமானார். இத்திரைப்படத்தில் ஷாருக்கானுடன் நடித்தார். சுவாதேஸ் திரைப்படத்தில் நடித்தமைக்காக இந்திய திரைப்பட விமர்சகர்களிடமிருந்து வலுவான வரவேற்பைப் பெற்றார். மேலும் 2004 ஆம் ஆண்டுக்கான திரைப்பட விருதுகளில் சிறந்த பெண் புதுமுகமாக பல பரிந்துரைகளை ஜோஷி பெற்றார்.


ஆரம்பகால வாழ்க்கை


நாக்பூரில் உள்ள மவுண்ட் கார்மல் உயர்நிலைப்பள்ளியில் படித்தார். மேலும் குடும்பம் மும்பைக்கு திரும்பிய போது அவர் தடாரில் உள்ள ஜே. பி வச்சா உயர்நிலைப் பள்ளியில் சேர்ந்தார். பள்ளி முடிந்த பின் அவர் சிடன்ஹாம் கல்லூரியில் கற்றார். கல்லூரியில் கற்கும் போது விளம்பரங்களில் மாதிரியாக பணிபுரிந்தார். ஜோஸி கல்லூரியில் வணிக கல்வியில் பட்டம் பெற்றார்.


1999 ஆம் ஆண்டு நடந்த மிஸ் பெமினா இந்தியா அழகிப் போட்டியில் இறுதி ஐந்து போட்டியாளர்களில் ஒருவராக இருந்தார். அதே ஆண்டு ஜப்பானில் நடந்த மிஸ் சர்வதேச அழகி அணிவகுப்பில் இந்தியாவை பிரதிநிதித்துவப்படுத்தி கலந்துகொண்டார்.


27 ஆகஸ்ட் 2005 அன்று, கிராண்ட் ஹையட் ஹோட்டலில் அவர் ஓபராய் கட்டுமானத்தின் விளம்பரதாரரான விகாஸ் ஓபெரோவை மணந்தார்.


விருதுகள்


  • 2005 பாலிவுட் பட விருது, சிறந்த பெண் அறிமுக நடிகை

  • 2005 ஸ்டார் ஸ்கீரின் விருது, மிகவும் நம்பிக்கையான புதுமுகம் – பெண், சுவாதேஸ்

  • 2005 ஸீ சினி விருது, சிறந்த பெண் அறிமுக நடிகை

  • 2005 குளோபல் இந்தியா பட விருது, சிறந்த புதுமுக நடிகை, சுவாதேஸ்

  • வெளி இணைப்புகள்

    நடிகை காயத்தரி ஜோஷி – விக்கிப்பீடியா

    Actress Gayatri Joshi – Wikipedia

    About the author

    Leave a Reply

    Your email address will not be published.