சின்மயி ஸ்ரீபதா (தெலுங்கு: చిన్మయి శ్రీపాద) (பிறப்பு: செப்டம்பர் 10, 1984) இந்தியாவைச் சேர்ந்த தமிழ்த் திரைப்படப் பின்னணி பாடகி ஆவார். ஏ. ஆர். ரகுமான் இசையமைப்பில் கன்னத்தில் முத்தமிட்டால் படத்தில் இடம்பெற்ற ஒரு தெய்வம் தந்த பூவே என்ற பாடல் இவர் பாடிய முதல் திரைப்படப் பாடலாகும். பின்பு எனக்கு உனக்கு, பாய்ஸ், அறிந்தும் அறியாமலும், சண்டக்கோழி போன்ற பல தமிழ் திரைப்படங்களில் பாடியுள்ளார்.
சின்மயி, ஸ்டார் விஜய் தொலைக்காட்சியில் சூப்பர் சிங்கர் போட்டியைத் தொகுத்து வழங்கினார். மேலும் ஏர்டெல் சூப்பர் சிங்கர் ஜூனியர் மற்றும் ஏர்டெல் சூப்பர் சிங்கர் போன்ற நிகழ்ச்சிகளையும் தொகுத்து வழங்கினார். சென்னையில் ஒளிபரப்பாகும் ஆஹா பண்பலையில் திங்கள் முதல் சனிக்கிழமை வரை ‘ஆஹா காப்பி க்ளப்’ எனும் காலை ஏழு மணி முதல் பத்து மணி வரை நடைபெறும் வானொலி நிகழ்ச்சியின் தொகுப்பாளினியாகவும் இவர் இருக்கிறார். இவர் திரைப்படத்தில் பின்னணி குரல் தருபவராகவும் இருக்கிறார். சில்லுனு ஒரு காதல் படத்தில் பூமிகா சாவ்லாவிற்கு, உன்னாலே உன்னாலே படத்தில் தனிஷா முகெர்ஜிக்கு, சத்தம் போடாதே படத்தில் பத்மபிரியாவிற்கு, தாம் தூம் படத்தில் கங்கனா ரனாத்திற்கு, ஜெயம் கொண்டான் படத்தில் லேகா வாஷிங்டனிற்கு, சக்கரகட்டி படத்தில் வேதிகாவிற்கு மற்றும் வாரணம் ஆயிரம் படத்தில் சமீரா ரெட்டிக்கு என பல திரைப்படங்களில் கதாபாத்திரங்களுக்கு இவர் பின்னணிக் குரல் தந்துள்ளார்,
ஏ. ஆர். ரகுமான் இசையமைப்பில், மணிரத்னம் இயக்கத்தில், சிம்ரன் மற்றும் கீர்த்தனாவின் நடிப்பில் படத்தில் இடம்பெற்ற இவரது முதல் பாடல் வெற்றிப்பாடலாக அமைந்தது. சின்மயி, ஏ. ஆர். ரகுமானின் இசையமைப்பிலேயே நிறைய பாடல்களைப் பாடியுள்ளார். குரு படத்தின் தேரே பினா மற்றும் மையா மையா பாடல்களைப் பாடினார்.
சர்ச்சை
சின்மயி டிவிட்டர், முகநூல், வலைப்பதிவு போன்ற சமூக தளங்களில் இயங்குபவர். கஜேந்திரகுமார் என்பவர் தனக்கு 12 லட்சம் தர வேண்டும் எனவும் அதை பெற்றுத்தர உதவும்படியும் மற்றொரு புகாரில் டிவிட்டர் தளத்தில் தன்னுடைய ஆபாச புகைப்படங்களும், தன்னைப்பற்றி கீழ்தரமாகவும் எழுதியதற்கு காரணமான 6 நபர்களை கைது செய்யவேண்டும் என்று சென்னை காவல்துறை ஆணையரிடம் புகார் அளித்தார். இதன் அடிப்படையில் காவல்துறையினர் இரண்டு டிவிட்டர் உபயோகப்படுத்தும் நபர்களை கைது செயதனர். ஆறு பேரில் லாஸ் ஏஞ்சலஸ் நகரை சார்ந்த எழுத்தாளர் இராம் என்பவரும் ஒருவர். தன் மீதான புகார் தவறானது எனவும் அதனால் தான் மனவேதனை அடைந்துள்ளதாகவும் அதை திரும்ப பெறாவிட்டால் மான நஷ்ட வழக்கு போடவேண்டி வரும் என கூறியுள்ளார். சின்மயி இட ஒதுக்கீடு, தமிழக மீனவர்கள் தாக்கப்பட்டது குறித்து கருத்து சொன்னதால் தான் அவருக்கு எதிர் வினை கடுமையாக இருந்தது எனவும் பலரால் கூறப்படுகிறது.. மீனவர்கள் மீன்களைக்கொல்வது பாவமாயில்லையா என்று அவர் டிவிட்டரில் சொன்னது மீனவர்களுக்கு எதிரானது என்று பலரால் கருதப்படுகிறது. இந்துஸ்தான் டைம்ஸ் என்கிற இதழில் பொழுதுபோக்குப் பாதுஷாக்கள் என்கிற தலைப்பில் 5 பேரில் நான்காவதாக சின்மயியையும் ஐந்தாவதாக ராசனையும் குறிப்பிட்டிருந்தது. அது பிடிக்காததும் ஒரு காரணம் என சொல்லப்படுகிறது. இவர் கவிஞர் வைரமுத்து மீது பாலியல் புகார் ஒன்றை 2018 ஆம் ஆண்டு அக்டோபர் மாதம் முதல் மீண்டும் சர்ச்சையைக் கிளம்பியுள்ளார். 2004 ஆம் ஆண்டில் சுவிட்சர்லாந்தில் நடந்த ஒரு இசை நிகழ்ச்சி விழாவிற்காக சென்ற போது தன்னிடம் தவறாக நடந்து கொண்டார் என்று பாடகி சின்மயி பாலியல் புகார் அளித்தார்.
திருமணம்
இவர் மே 06, 2014 அன்று பிரபல நடிகரான ராகுல் ரவீந்திரன் என்பவரை திருமணம் செய்துக்கொண்டார். திருமணத்தில் கலந்து கொண்டவர்களிடம், மணமக்கள் பரிசு பொருள் எதுவும் வாங்கவில்லை. அதற்கு பதில், லடாக்கில் உள்ள மலை சாதியினரின் பள்ளிக்கு கட்டிடம் கட்ட உதவும்படி கேட்டுக்கொண்டனர்.
சின்மயி பாடிய பாடல்கள்
| 2002 | ஒரு தெய்வம் தந்த பூவே |
|---|---|
| ஒரு தடவை சொல்வாயா | |
| கிறுக்கா கிறுக்கா | |
| உயிர் பிரிந்தாலும் | |
| இதயமே | |
| பூந்தேனா | |
| 2003 | மைனாவே மைனாவே |
| பூ பூ பூங்குருவி | |
| என்ன இது | |
| பிளீஸ் சார் | |
| கண்ணா | |
| பிரிவெல்லாம் பிரிவல்ல | |
| பூவே முதல் பூவே | |
| சந்திப்போமா | |
| ஒரு நண்பன் இருந்தால் | |
| என் உயிர் தோழியே | |
| 2004 | புது காதல் காலமிது |
| என்னை தீண்டிவிட்டாய் | |
| நீ தானே என் மேல | |
| இஃப் யு வோன கம் அலோங்க் | |
| ஒப்பனக்கார வீதியிலே | |
| எங்கு பிறந்தது | |
| காதலிக்கும் ஆசையில்லை | |
| 2005 | நூதனா |
| சில் சில் | |
| 2006 | காதல் நெருப்பின் |
| 2007 | சஹானா |
| ஆருயிரே,மைய்யா | |
| 2008 | ஆவாரம் பூ |
| சின்னம்மா,ஐ மிஸ் யூ டா | |
| 2009 | லேசா பறக்குது |
| நிலா நீ வானம் | |
| வாராயோ வாராயோ | |
| 2010 | பூவே பூவே |
| கிளிமஞ்சாரோ | |
| அன்பில் அவன் | |
| 2014 | இதயம் |
| 2015 | என்னோடு நீ இருந்தால் |
| ரோஜா கடலே | |
| இதயத்தை ஏதோ ஒன்று | |
| நான் அவள் இல்லை | |
| 2016
2021 |
சைரட் ஜலோ ஜி |
| Neevevvaro | Boyfriend For Hire |
பின்னணி குரல் கொடுத்த படங்கள்
| 2006 | சில்லுனு ஒரு காதல் |
|---|---|
| 2007 | உன்னாலே உன்னாலே |
| சத்தம் போடாதே | |
| 2008 | ஜெயம் கொண்டான் |
| தாம் தூம் | |
| சக்கரகட்டி | |
| வாரணம் ஆயிரம் | |
| 2009 | தநா-07 ஏஎள் 4777 |
| யாவரும் நலம் | |
| மோதி விளையாடு | |
| கண்டேன் காதலை | |
| 2010 | அசல் |
| ராக்தா சரித்ரா | |
| தீராத விளையாட்டுப் பிள்ளை | |
| விண்ணைத்தாண்டி வருவாயா | |
| ஏ மாயா சேசவா | |
| சுறா | |
| மன்மத பாணம் – (தெலுங்கு) | |
| 2011 | கோ |
| நடுநிசி நாய்கள் | |
| வந்தான் வென்றான் | |
| 2012 | வேட்டை |
| மாற்றான் | |
| 2014 | லிங்கா |
